അടിമാലി: ഇടുക്കി അടിമാലി തോക്കുപാറയില് അഞ്ചാം ക്ലാസ് വിദ്യാര്ത്ഥിയെ മരിച്ച നിലയില് കണ്ടെത്തി. തോക്കുപാറ ഈട്ടിക്കല് അനൂപ്-ജോല്സി ദമ്പതികളുടെ മകന് ആഡ്ബി(10)യെയാണ് മരിച്ച നിലയില് കണ്ടെത്തിയത്. വീടിനുള്ളില് തൂങ്ങിയ നിലയിലാരുന്നു മൃതദേഹം.
അടിമാലി വിശ്വദീപ്തി പബ്ലിക് സ്കൂളിലെ വിദ്യാര്ത്ഥിയായിരുന്നു ആഡ്ബി. വെള്ളത്തൂവല് പൊലീസ് സ്ഥലത്തെത്തി തുടര്നടപടികള് സ്വീകരിച്ചു. മൃതദേഹം അടിമാലിയിലെ ആശുപത്രി മോര്ച്ചറിയിലേക്ക് മാറ്റി. ആത്മഹത്യയെന്നാണ് പ്രാഥമിക നിഗമനം.
(ജീവിതത്തിലെ വിഷമസന്ധികള്ക്ക് ആത്മഹത്യയല്ല പരിഹാരം. സമ്മര്ദ്ദങ്ങള് അതിജീവിക്കാന് സാധിച്ചേക്കില്ലെന്ന ആശങ്കയുണ്ടാകുമ്പോള് മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. 1056 എന്ന നമ്പറില് വിളിക്കൂ, ആശങ്കകള് പങ്കുവെയ്ക്കൂ)
Content Highlights- 10 years old boy found dead inside home in adimaly